«POESIA» TALIBÉ DE CANTCHUNPÉ" - ELCABRAL ELCITO

Bo tchomam talibe de cantchunpe n'bim num prito ala na bai num prito, susudadi ku kubri nha alma tchom i nha gasadju, nha kaneka kuta intchim stango.

Sol ta limbi kadir, i pista sereno pa i serena, tchuba bofotia i pista lua pa i mima... Es ki nha mantenha de pruntasku na nha nocentasku malgos suma fel de baka.

Bo tchomam talibe de cantchunpe, nha força i na kaneka, danadessa de bramu kabas podri na kabessa. Anta de!

Bo tchomam talibe de cantchunpe, flanu na ronka ku kuru di si kabelo

Limbida na iagu salgadu fertcham na Ilha de casabi

Figa canhota, n'ta Bssau i sim?

N'oroto tras di nhonhinho ilha rek. Safrai!

Nha talibe de 150 fca, fidalgo de corson nocente

Koitadi! flano i turbada de mis de Oitubro

Darma iagu na batente de porta ina fria suma iagu de simola di casa garandi

Nha talibe de cantchunpe, bu pensa n'durmi disna ku bai fanado na Ilha? Nha kudadi i nha polom de sombra ku kai, nes ratina de Sol ku radjda de turbada ku na kaba na bu kabessa

Nha talibe de cantchunpe, i minino di kriason

Ku fadjadu de sadjo i kalsadu darnako pa ilha, porki amontom ka kunsi dur di si tarbadju

Nha talibe, ika tem kil ku sta bas de kala di kabelo ku karanga ka sibi boooo

Ntindiu dritu, dum di fomi ka tem sentido

Nha talibe serkadu na beku de Bsau, dixa elis kallaaa, elis i boka ku naris 

Ala ina bai pa caminho di ilha, sim kamissa na curpo, ku kalson rumpidu na bunda

Ora ku maré na riba buta mandam rekadu

N'misti sibi ki noba de nhu!

Paris, 2017

Elcabral Elcito